Мафините може да се направат на илјада начини, можете дури и да измислите рецепт, сигурно нема да згрешите. Каква состојка и да додадете, се вклопува, токму затоа ги сакаат и оние кои ги прават и оние кои ги јадат.
Од солени и слатки, едноставно е невозможно да се одлучите кои се повкусни, а дали знаевте дека можете да направите совршени мафин-баклави? Полесно се подготвуваат од традиционалната баклава, а вкусот може да биде и подобар.
Потребни состојки:
- 200 г брашно
- 1 лажичка прашок за печиво
- ½ лажичка сода бикарбона
- 2 јајца
- 250 мл млеко
- 100 г маргарин
- 100 г сечкани ореви
- 1 ½ лажичка цимет
- ореви за декорација
Прелив:
- 500 г шеќер
- 300 мл вода
Начин на приготвување: Најпрво измешајте ги маргаринот и јајцата, а потоа во добиената смеса додадете брашно, прашок за печиво и сода бикарбона. Во него сипете млеко и сè заедно измешајте со миксер. На крај во смесата додадете ситно сечкани ореви и цимет по желба. Истурете ја смесата во калапот и печете околу половина час на 200 степени. Додека се печат, подгответе ги шеќерот и водата да зовријат, кога ќе бидат готови прелијте го секој мафин со овој сируп.