Доколку сакате кифлички, во продолжение ви пренесуваме одличен рецепт за кифлички полнети со кулен и сирење.
Тесто
1 кг мазно брашно
700 мл млеко
200 мл сончогледово масло
1 кесичка прашок за пециво
1 лажичка сол
40 свеж квасец (1 коцка)
1 лажица шеќер
Полнење
150 г. кулени
150 г. сирење
Премачкување
1 жолчка
1 лажица млеко
2 лажици сусам за посипување
Подготовка:
1
Стасајте го квасецот
Квасецот и шеќерот измешајте ги со 200 мл топло млеко и оставете десет минути да „стаса“.
2
Замесете тесто
Ставете го квасецот, солта, млекото, прашокот за пециво и сончогледовото масло во мазното брашно што ќе го ставите во поголем сад. Месете го тестото и по потреба додадете уште брашно.
3
Оставете да нарасне
Откако ќе замесите мазно тесто, оставете го околу 45 минути на топло место и без провев да нарасне, покриено со чиста кујнска крпа.
4
Обликувајте
Расукајте го тестото со дебелина од околу еден сантиметар и исечете триаголници за да ги наполните со полнење со сирење и кулен. Виткајте во кифлички и исечете малку потесно за да изгледа поинаку при виткање, а не како класична кифличка. Ако ви е премногу комплицирано, не морате.
5
Печете
Кога ќе ги обликувате кифличките, ставете ги во плех и оставете да нараснат околу половина час. Пред тоа вклучете ја рерната да се загрее на 200 степени.
Измешајте ја жолчката со една лажица млеко и премачкајте ги нараснатите кифлички, посипете со малку сусам и ставете ги во рерна околу 25 минути. Времето за печење зависи и од тоа колку големи кифлички сте направиле, па 25 минути ќе бидат доволни за оние со големина на вашата дланка.