Оваа мека чоколадна торта е апсолутен хит, бидејќи не само што е вкусна, туку и многу лесна за подготовка. Може да ја направи буквално секој, а се што треба да направите е да ги измешате состојките и да ги истурите во калапот. Никој не може да одолее на чоколадна торта, а тоа е одлично новогодишно задоволство, особено ако сакате да импресионирате некого.

Потребни состојки:

– 2 чаши брашно
– 2 чаши шеќер
1/4 шолја какао
– чоколадни трошки
– 1 лажичка прашок за печиво
– 1 лажичка сол
– 2 лажички сода бикарбона
– 1 чаша млеко
– 1 чаша топла вода
– 1/4 чаша стопен путер
– 1 лажица екстракт од ванила
– 3 јајца

Начин на приготвување: Во сад измешајте ги просеаното брашно и какаото, па додадете ги шеќерот, солта, прашокот за печиво, сода бикарбоната, чоколадните трошки, водата и млекото. Добро измешајте, па додадете ги растопениот путер, ванилата и јајцата. Добро соединете. Потоа истурете ја смесата во подмачканиот калап и малку протресете за убаво да се распореди. Се пече на 200 степени околу 45 минути. Користете чепкалка за заби за да проверите дали е подготвена.