Се приближуваат празниците, а со нив и мирисите што ги исполнуваат домовите со топлина и радост. Еден од најпрепознатливите мириси секако е оној на свежо печени медењаци. Кога целата куќа ќе замириса на цимет, каранфилче и мед, знаеме дека пристигна најубавото време од годината.
Овие класични празнични колачиња се совршени за грицкање со шолја топло какао, чоколадо или млеко. Лесни се за подготовка, а резултатот се мирисни и вкусни колачиња во кои ќе ужива целото семејство.
Подготовката трае околу 30 минути, а се печат приближно 15 минути. Од наведените состојки се добиваат околу 100 медењаци.
Состојки
За тестото:
- меко брашно
- шеќер
- сода бикарбона
- какао
- зачин за медењаци
- мед
- јајца
- путер
За украсување:
- белка од јајце
- шеќер во прав
- оцет
Подготовка
Во голем сад измешајте ги сувите состојки: брашното, какаото, содата бикарбона, зачинот за медењаци и шеќерот. Додадете го омекнатиот путер, па јајцата и медот. Сè убаво измешајте и замесете мазно тесто.
Тестото тенко развлечете го на набрашнета површина, па со калапи за колачиња вадете различни форми. Редете ги медењаците на плех обложен со хартија за печење, оставајќи мал простор меѓу нив.
Печете во претходно загреана рерна на 150 °C, околу 15 минути. Готови се кога лесно ќе потемнат по рабовите.
Додека медењаците се ладат, подгответе ја глазурата. Со миксер матете ја белката со шеќерот во прав додека не добиете густа и сјајна смеса погодна за украсување. На крај додадете една лажица оцет и кратко промешајте.
Целосно изладените медењаци украсете ги по желба и оставете ги глазурата да се исуши на воздух.
Послужување
Овие колачиња одлично одат со шолја топло какао, чоколадо или млеко. Долго можат да стојат ако се чуваат во затворена лимена кутија, што ги прави идеален празничен подарок.
© Vecer.mk, правата за текстот се на редакцијата
