Само еден ден по македонската забрана за прелет на авионот на рускиот министер за надворешни работи Сергеј Лавров на пат за Србија, Федералната служба за ветеринарен и фитосанитарен надзор на Русија („Роселхознадзор“) објави дека запрела пратка со домати од Македонија.
На 1 јуни специјалистите на Канцеларијата на „Роселхознадзор“ за Калининградската област извршиле карантинска фитосанитарна контрола на свеж зеленчук и овошје со вкупна тежина од 17 тони, пристигнати од Македонија.
При контролата, во низа домати е пронајден карантински штетник на градинарски култури, јужноамерикански доматен молец.
Присуството на гасеницата-штетник во одржлива состојба било потврдено со лабораториска експертиза од калининградскиот огранок на „Роселхознадзор“.
Во однос на заразената серија домати во количина од 2,6 тони преземени се карантински фитосанитарни мерки. По избор на сопственикот, заразените домати се испраќаат на дезинфекција.
© Vecer.mk, правата за текстот се на редакцијата
