Трендот на поскапување на недвижностите се одрази и на виртуелниот свет. Така луѓето денес плаќаат милиони за виртуелно земјиште.
Всушност, тие физички не постојат на Земјата, туку се онлајн, во низа виртуелни светови кои техничките инсајдери ги нарекоа метаверс.
Цените на парцелите се зголемија за дури 500% во последните неколку месеци откако Facebook објави дека се префрла „all-in“ во виртуелната реалност.
Интересот за виртуелните светови нагло се зголеми, а криптовалутите што се користат за купување драстично се зголемија во изминатиот месец.
Едно парче дигитално земјиште во виртуелниот свет на Децентраленд е продадено за рекордни 2,43 милиони долари во криптовалути, што е двојно повеќе од претходниот рекорд од 913.000 долари.
Тоа е за нијанса поскапо од просечната цена на стан во Менхетен и далеку поскапо од цената на недвижниот имот во остатокот од Њујорк.
И ако се погледне цената на метар квадратен, недвижниот имот е сепак поскап од виртуелниот недвижен имот. Една парцела во Децентраланд зафаќа површина од околу 4,8 квадратни метри. Продаденото земјиште е 565,7 метри квадратни, што е многу повеќе од површината на просечниот стан во американските метрополи.
Неодамнешните проценки сугерираат дека дигиталниот свет би можел да прерасне во бизнис од 1 трилион долари во блиска иднина.
Дигиталниот свет за многумина стана реален и дали трендот допира до нас (барем кога се во прашање цените на недвижностите)?
- Дигитализацијата стана составен дел од нашите животи. Иако ни звучи чудно, и помладите генерации се дел од дигиталниот свет и технологијата стана составен дел од нивниот живот, без кој не можат без. Технологијата напредна и верувам дека во блиска иднина ќе има игри со виртуелни куќи во виртуелна земја каде сите ќе имаме аватари и ќе избегаме од реалноста на нашите животи - вели Милош Митиќ, извршен директор на агенцијата за недвижности City Expert.
На прашањето какво потенцијално влијание има ова на пазарот на недвижности, вели:
- Тоа секако не треба да влијае на редовниот пазар на недвижности, но ќе влијае на светот околу нас. Голема е веројатноста таков тренд да преовладува секаде. Овој тренд не треба да влијае на цените на недвижностите, барем не во блиска иднина - објаснува Митиќ.
Исто како имотот од реалниот свет, за метаверзумот цената се однесува на три работи: локација, локација, локација.
Значи, метаверсот дефинитивно влегува во сите „пори на општеството“, откако Цукерберг пред компанијата Мета бара дури 10.000 нови работници во Европа, додека некои богаташи даваат милиони долари за виртуелна земја.
Најскапите парцели се во близина на местото каде што се собираат многу корисници. Така, едно лице неодамна платило дури 450.000 долари за да биде сосед во виртуелниот свет наречен Sandbox.
Исто така, гигантскиот малопродажен синџир од САД, Walmart, влегува во метаверс, со планови да создаде своја криптовалута и колекција на незаменливи токени (NFT).
Најк исто така поднесе барање за трговска марка на почетокот на ноември, покажувајќи планови за продажба на виртуелни брендирани патики и облека.
© Vecer.mk, правата за текстот се на редакцијата
