Светот се соочува со најголемиот енергетски шок по инвазијата на Украина, со прогнозиран раст на цените на енергијата од 24 проценти поради војната во Иран и блокадата на Ормутскиот Теснец. Најновиот извештај на Светската банка предупредува дека глобалното производство на нафта е во пад за 10 милиони барели дневно, што веќе ги турна цените над границата од 100 долари.
Освен нафтата, се очекува вкупниот раст на цените на суровините да достигне 16 отсто во текот на 2026 година. Кризата е дополнително продлабочена со повлекувањето на ОАЕ од форматот ОПЕК+, додека ЕУ веќе претрпе штета од 27 милијарди евра за вонреден увоз на енергенси.
„Владите треба да избегнуваат нецелни фискални мерки кои ги нарушуваат пазарите и да се фокусираат на поддршка за најранливите“, порача Ајхан Косе, заменик-главен економист во Светската банка, нагласувајќи дека геополитичките шокови сега имаат двојно поголемо влијание врз пазарот отколку во стабилни времиња.
© Vecer.mk, правата за текстот се на редакцијата
