Почитувани клиенти на Халк Банка АД Скопје,
Во текот на денешниот ден, се одвива злонамерна кампања која има за цел да ги прибере Вашите броеви на картички, како и Вашите лични податоци, а со цел злоупотреба на Вашите финансиски средства преку дигитализација на Вашите платежни картички.
Нападот се одвива преку учество во анкета каде се претставува дека е од банката и бара од Вас да ги внесете Вашите податоци.
Анкетата е измама и на никој начин не е поврзана со банката.
Ве молиме да НЕ КЛИКНУВАТЕ на анкетата и да не ги давате Вашите податоци на посочената адреса.
Халк Банка АД Скопје никогаш нема од Вас да ги побара Вашите лични и податоците за платежните картички на овој начин. Целокупната комуникација помеѓу банката и клиентите се одвива преку официјални канали кои се и потврдени од страна на банката.
Доколку веќе сте ги внеле Вашите податоци на измамничкиот сајт, Ве молиме ВЕДНАШ да се јавите во контакт центарот на Халк Банка АД Скопје, како би се преземале понатамошни активности за спречување на измамите. Телефонскиот број на контакт центарот е +389 2 3296 330 и истиот Ви е на располагање 24 часа во денот.
Со почит,
Халк Банка АД Скопје
© Vecer.mk, правата за текстот се на редакцијата
