Свежите црвени пиперки увезени на хрватскиот пазар од Северна Македонија содржат токсични хемикалии.
Во црвените пиперки се пронајдени високи нивоа на забранетиот пестицид метомил, кој е многу токсичен за луѓето, пишува Даница.хр
Опасноста од метомил е потврдена со бројни претходни научни студии, и затоа неговата употреба е забранета во Европската Унија.
Кога се консумира во високи дози, метомилот може да предизвика оштетување на црниот дроб и бубрезите!
Како што објави Европскиот систем за безбедност на храната, кај свежите црвени пиперки увезени од Северна Македонија е утврдено дека содржат 0,049 милиграми метомил на килограм, што е пет пати повеќе од дозволената граница.
Инспекцијата нареди итно повлекување на пиперката од пазарот, но сè уште не прецизираа во кои продавници е достапна.
Европскиот систем за безбедност на храната ги предупредува потрошувачите дека здравствениот ризик од овој пестицид е сериозен.
Големиот проблем е што пиперките се анализирани на 23 септември, а резултатите стигнаа дури сега, што значи дека купената пиперка веројатно е изедена!
Извори: Слободна Далмација, Телеграф, Еспресо, Информер
© Vecer.mk, правата за текстот се на редакцијата
