Знам барем тројца возачи во градскиот превоз кои имаат повеќе од 65 години и работат. Вака Небојша Митровиќ од Синдикатот на возачите ГСП Белград одговара на прашањето на како е можно зад воланот на автобусот кој вчера влета во детско игралиште во Земун и повреди неколку лица, да е човек од 72 години.
- Возачи нема. Или заминаа надвор или отидоа на други работни места, како камиони. Оттаму и многу пензионери зад воланите. Особено тоа е случај кај приватниците. Таму моментално дневницие се зголемени и им дозволуваат да работат и по 16 часа ако сакаат, вели Митровиќ и додава дек би требало убаво да се разгледаат законските измени според кои автобус можат да возат и луѓе постари од 70 години, само ако поминат лекарски преглед и добијат потврда дека се способни.
- Не може рефлексот да биде ист кај човек од 30 и човек од 70 години. Друг дел од решението е возачите подобро да се платат и така да се привлечат помлади да влезат во оваа професија или барем да не заминат во странство, вели тој.
Просечната плата на возачите во ГСП со шест работни дена неделно е околу 70 000 динари. Оние кај приватниците кои работат по 16 часа месечно може да заработат и до 200 000 динари.
- Оние кои така работат се живи бомби на тркала, а одговараат за толку животни. За материјалната штета нема ни да зборувам, заклучува Митровиќ.
Колку за потсетување, возачот од линијата 45 вчера нешто пред 14 часот влета во детско игралиште во Земун, при што повредени се пет лица, од кои три деца и две девојки. Детското игралиште е речиси целосно уништено.
