По средбата со германскиот министер за надворешни работи, Хајко Мас, претседателот на Србија, Александар Вучиќ на прашањето за вакцините изјави дека земјата има доволно вакцини и дека другите во Србија се вакцинираат, но има друг проблем.

– Имаме доволно вакцини, но имаме уште еден проблем што се игнорира – разни групи против вакцини. Луѓе кои не сакаат да ги примаат поради разни теории на заговор. Но, најверојатно и ние сме виновни затоа што имаме доволно вакцини, а луѓето не брзаат , вели тој.

Вучиќ вели дека Србија започна со вакцинација на крајот на декември со вакцината Фајзер, а дури потоа пристигнале кинеските и руските.

– Сè добиваме точно според договорот од Фајзер и Синофарм, има мало задоцнување со други, рече тој.

Вучиќ додаде дека  во Србија има можност за вакцинирање на странци и тоа е начинот на кој Србија им помага на сите земји во регионот.

– Тој исто така рече дека Србија испратила околу 120.000 вакцини во земјите од регионот, додека во самата Србија вакцинирала околу 65.000 граѓани од тие земји и најави дека процесот на вакцинација ќе продолжи, бидејќи ниту една земја сама може да го реши проблемот.

– Ние веруваме дека овие вакцини се исто толку важни за нашите соседи како што се и за нас. Затоа што ако тие имаат тешка ситуација, она што го правиме ќе биде бесмислено, рече Вучиќ