logo
logo
logo

Српската влада ги замрзна цените на основните прехранбени продукти

Vecer | 30.11.2021

Српската влада ги замрзна цените на основните прехранбени продукти

Ограничувањето на цените ќе се однесува на шеќер, брашно од тип 400, сончогледово масло за јадење, свински бут и млеко со 2,8 отсто млечна маснотија.

Се додава дека ценовното ограничување е поставено со цел да се отстранат штетните последици од инфлацијата и да се спречат нарушувања на пазарот. Притоа, оваа одлука нема да се однесува на намалени цени како продажби, сезонски попусти или специјални распродажби, туку на редовни, односно цени пред попусти.

Одлуката, која ќе се применува за период од 60 дена, предвидува и производителите да не смеат да ги испорачуваат овие производи во количини помали од просекот во последните 12 месеци.

За непочитување на наведените одредби предвидени се парични казни во износ од 100 000 до два милиони динари, како и забрана за вршење дејност во период од шест месеци до една година.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk