Претседателот на Србија Александар Вучиќ откри дека земјата започнува да гради погон за секвенционирање на геноми на Институтот за молекуларна биологија, а најави и изградба на фабрика за ПЦР тестови.
Тој во интервју за „Блиц“ вели дека за изградбата на фабриката за секвенционирање на геномот го информирале институтот за геноми во Пекинг и верува дека ќе постигнат значителни резултати до крајот на годината.
Српскиот претседател додаде дека ќе се инвестира многу во современите медицински технологии и биотехнологии.
- Можам да ви кажам дека исто така ќе градиме фабрика за ПЦР тестови што ќе го реши проблемот со тестирање засекогаш, рече Вучиќ.
