Како што потврдија упатени извори за 24сата.хр, полицијата реагирала бидејќи цел на нападот требало да биде хрватскиот премиер Андреј Пленковиќ.
Како што дознава порталот, полицијата не можела да ја игнорира оваа многу сериозна информација, туку презела акција. Да потсетиме, полицијата најави дека води натамошни увиди во врска со тоа кривично дело.
„По однос на оперативните сознанија за безбедносната закана на висок државен функционер, која била првична причина за акцијата, полицијата врши увид, а согласно законската одредба за тајност на истрагата, не сме во можност да дадеме повеќе детали“, заклучува загрепската полиција.
Ивко Мариќ (45) е уапсен во саботата заедно со сопругата поради недозволено поседување оружје. Тие се на распит во Општинското кривично државно обвинителство во Загреб. Како што пишува Јутарњи, полицајците им дошле на врата со наредби за претрес откако преку други канали дознале дека во некои неформални разговори, меѓу другото, се споменува и можно загрозување на висок политички функционер на Владата на Хрватска.
Да потсетиме, Мариќ пред половина година се возел со своето „ферари“ до изборниот штаб на Движењето Татковина. На совозачкото место го возел новоизбраниот пратеник во Европскиот парламент, Стивен Никола Бартулица.
© Vecer.mk, правата за текстот се на редакцијата
