Во Словенија, во последните 24 часа, втор ден по ред, беа потврдени високи 248 инфекции со коронавирус, со поголемиот процент на позитивни тестови, земјата влезе во т.н. портокалова фаза на епидемијата, додека властите најавуваат построги услови наесен за оние кои не се вакцинирани.
- Во Словенија се најавуваат построги услови за работа, мобилност, образование и други активности. Така, состојбата на ДСП (преживеани, вакцинирани, тестирани) ќе биде основна мерка за функционирање на здравството, социјалните институции, спортот и јавниот живот воопшто - рече во четвртокот наутро во интервју за словенечкото радио директорот на Словенечкиот институт за Јавно здравство (НИЈЗ) Милан Крек.
Бидејќи државата престанува да го плаќа за тестирањето за коронавирус на 23 август, тоа значи дека трошоците ќе паднат во компаниите или кај работодавачите или вработените, што значи дека доколку не се вакцинирани, може да им се заканува отказ доколку работодавачите не ги преземат трошоците, што зависи од нив самите, рече Крек, потсетувајќи дека вакцинацијата во државата е далеку од посакуваната бројка.
Во Словенија, 248 новозаразени лица се потврдени во последните 24 часа со 1828 тестови, што е ист број како и претходниот ден, но уделот на позитивните наоди се зголеми од 12,6 на 13,6 проценти, објави НИЈЗ во четвртокот.
Четиринаесетдневната инциденца се зголеми од 83 на 90 и нема нови смртни случаи. Бројот на пациенти во болницата е зголемен од 36 на 40, од кои на 6 им е потребен интензивен третман.
Словенечката влада објави дека со новите податоци, Словенија влезе во т.н портокалова фаза на епидемијата Ковид-19, на списокот на Европскиот центар за контрола на болести ECDC), и повторно предупреди на потребата од најголема можна вакцинација на населението, за што се обезбедени бројни мобилни тимови.
Според Министерството за здравство, мнозинството новозаразени лица се млади луѓе на возраст од 15 до 24 години и дека поради позаразната варијанта на делта, вакцинацијата на есен треба да биде далеку повисока од сегашните 40 проценти од населението, односно помеѓу 80 и 90 проценти.
Министерката за образование, Симона Кустец, потврди дека се подготвува план за почеток на следната учебна година, кој ќе ги пропише условите за посетување настава. Веќе е донесена одлука дека оние кои не биле вакцинирани, заболени од „Ковид-19“ или не биле негативни на тестот, нема да можат да присуствуваат на предавања, а истото ќе важи и за средношколците кога се очекува пикот на епидемијата на почетокот на септември или црвената „епидемиска фаза.
© Vecer.mk, правата за текстот се на редакцијата
