На обвинителна клупа биле нејзиниот сопруг и неговиот пријател, кои, како што се сомневаат, внимателно го планирале злосторството.
Во багажникот на автомобил паркиран во шума во јануари било пронајдено телото на трудницата (41). Во текот на рочиштето и двајцата останале на своите изјави и го негираа убиството.
На почетокот на судењето зборувал полицаец, кој детално раскажа како полицијата ги нашла и уапсила осомничените.
Братот на Џорџија рекол дека нејзиниот партнер го видел само пет пати во животот и дека веднаш ѝ рекол на својата сестра дека не го сака како личност.
"Како што одминуваше времето, сестра ми сѐ повеќе се оддалечуваше од мене. Сестра ми работеше, а тој не. Не беше финансиски обезбеден. Знаев дека е бремена. Во последно време секогаш ми изгледаше тажно", вели братот на Џорџија.
По него сведочеше и сестрата на осомничениот.
"Беше насилен, често ме тепаше. За исчезнувањето на Џорџија дознав на телевизија. Бев шокирана од начинот на кој брат ми зборуваше за печатот", рекла сестрата на сопругот на Џорџија.
Таа тогаш рече дека ќе ја предупредела Џорџија за тоа каков е нејзиниот брат, но таа не ја познавала.
"Многу е раздразлив и манипулативен. Ме тепаше, поради него често завршував во болница. Агресивно се однесуваше и кон поранешната сопруга", додала таа.
Сестрата рече дека не разбира зошто нејзиниот брат ја убил жената.
„Многу ме интересира зошто го направи тоа. Парите сигурно не беа мотивот“, рече таа.
Да потсетиме, телото на бремената Џорџија било пронајдено во багажникот со три убодни рани во пределот на стомакот и вратот. Се верува дека била убиена на новогодишната ноќ во станот на нејзиниот партнер.
© Vecer.mk, правата за текстот се на редакцијата
