Поранешниот посредник на ЕУ за дијалогот меѓу Белград и Приштина, Роберт Купер, смета дека би било добро Косово и Србија да бидат примени во Европската унија истовремено.
Според него, промената на косовскиот Устав е многу можна со цел да се реши прашањето за формирање на Унија на српски општини.
„Тоа може да биде решение за Сојузот на општини со српско мнозинство и ќе овозможи решавање на прашањето за Северот (Косово и Метохија) и за Србите да бидат позастапени во политичка смисла на Косово“, рече Купер.
Според него, ако и Србија и Косово влезат во ЕУ, тоа е како промена на Уставот.
Купер додава дека пред 10 години, темите како размена на територии не беа разгледувани за време на дијалогот.
Тој смета дека кога станува збор за тоа треба внимателен пристап.
