Рано изутрината гласаше и Претседателот на Србија, Александар Вучиќ, кој изјави дека се надева оти измените на Уставот ќе бидат потврдени, бидејќи се важни за странските инвеститори за кои, како што рече, владеењето на правото е еден од клучните фактори.
Право на глас на референдумот имаат 6.5 милиони гласачи. Успехот на референдумот не е условен со цензусот, а одлуката донесена на референдумот е обврзувачка.
Доколку се усвојат измените, според српските власти, политиката би била исклучена од изборот на судии и обвинители, а српското законодавство би се усогласило со европското законодавство.
