„Кога Трамп беше претседател, сите велеа дека НАТО ќе ослабне, а НАТО стана посилен. Затоа, ајде да гледаме и да не се хистеризираме без да ја видиме вистината. Соединетите Американски Држави се Соединети Американски Држави. Мислам дека тоа не мора да биде лоша работа за Европа“, рече Рама на состанокот на европската политичка заедница во главниот град на Унгарија, Будимпешта.
Рама најави дека следниот самит на Европската политичка заедница ќе се одржи во првата половина на следната година во главниот град на Албанија, Тирана. „Темата за климатските промени е присутна насекаде и, се разбира, таа е на врвот на приоритетите на европските земји, но има и други прашања за кои треба да се разговара. Многу сме горди што имаме можност да бидеме домаќини на оваа средба. “, рече Рама.
Европските лидери присуствуваат на петтиот самит на ЕПС во Будимпешта за да разговараат за глобалните прашања, вклучувајќи ги Украина и Блискиот Исток.
© Vecer.mk, правата за текстот се на редакцијата
