Во Албанија одлуки носат Албанците, а не сопствениците на алгоритмот Тик-Ток, се вели во реакцијата на премиерот на земјата, Еди Рама по информациите дека кинеската компанија „Бајт денс“, во чија сопственост е социјалната платформа, ќе бара итно појаснување од владата во Тирана во врска со одлуката за забрана на платформата во Албанија на една година.
Одлуката за забрана на Тик-Ток во Албанија беше соопштена во саботата, а доаѓа околу еден месец по убиството на 14-годишен ученик во Тирана. „Иако Албанија е премногу мала за да побара од Тик-Ток да ги заштити децата и младите од застрашувачките бездни на нејзиниот алгоритам, таа се надева дека Тик-Ток ќе го стори тоа за доброто на целото човештво, вклучително и албанија“,се вели во реакцијата на Рама, пренесува МИА. Според албанскиот премиер, одлуката на неговата влада за забрана на платформата на една година не е избрзана реакција на обичен настан, туку одлука широко консултирана со родителите и наставницит во училиштата низ Албанија. Албанија е прва земја во регионот која ја забранува платформата чиј сопственик е кинеската компанија „Бајт денс“.
© Vecer.mk, правата за текстот се на редакцијата
