Пола естрада се упати на настапи во Црна Гора, а од таму „ладен туш“ - од денес на сила стапуваат нови мерки кои се со привремен карактер.
Имено, од денес (23 јули) до 2 август привремено се забранува работата на ноќните клубови и дискотеки, како на отворено, така и на затворено.
Се забрануваат журки и музички фестивали, како и какви било масовни собирања во затворен простор.
- Тамам луѓето после година и кусур почнаа да работат и да ги земаат првите пари, повторно забрана. Ова е страшно, вели еден естраден менаџер, шокиран од новите вести.
- Некои пејачи зедоа хонорари однапред, што ќе прават сега. Им требаат пари на луѓето, затоа што останаа без работа, објаснува тој.
Убава вест - вакцинираните ќе можат да се забавуваат
Според црногорските медиуми, од 2 август престојот во затворен простор нема да биде овозможен безусловно. Ќе биде дозволена работа, но само за оние кои се вакцинирани макар и само со прва доза од вакцината, кои поседуваат негативе ПЦР тест или доказ дека во последните 180 дена прележале корона вирус.
Исто така, забранети се и забави т.е. музички фестивали, но и масвни собирања во затворен простор рекол Игор Галиќ, директор на Институтот за јавно здравје.
- Очекуваме дека од август се ќе биде дозволено, но само за оние кои се вакцинирани во целост или добиле само прва доза, рекол Галиќ и додал дека нема да се прифаќаат ниту брзите негативни антигенски тестови ниту тестот на антитела.
