На барање на турската страна, одложена е денешната средба на премиерот на Грција Кирјакос Мицотакис со претседателот на Турција Реџеп Таип Ердоган на маргините на Генералното собрание на ОН во Њујорк, а грчки владини извори брифираа дека се бара нов термин за средба во наредните денови, јави дописничката на МИА од Атина.
Според истите извори, средбата закажана за денеска нема да се одржи денес, на барање на турската страна, поради учеството на Ердоган на средбата на лидерите на арапски и муслимански земји, што ја организира американскиот претседател Доналд Трамп во Њујорк.
© Vecer.mk, правата за текстот се на редакцијата
