Основното јавно обвинителство Ниш поднесе обвинителен предлог против Драган Бјелогрлиќ за сторено кривично дело насилничко однесување според чл. 344 ст. 2 од Кривичниот законик и предложи затворска казна од шест месеци – потврдија во оваа судска институција.

ако што неофицијално дознава Новости, Бјелогрлиќ преку својот адвокат понудил примена на принципот на опортунитет, односно обвинетиот да плати 100.000 динари за добротворни цели, без да биде кривично гонет, но обвинителството го одби предлогот и го обвини.

Бјелогрлиќ беше уапсен на 23. август за насилничко однесување, поради што беше осуден на затворска казна од шест месеци до пет години. По наредба на обвинителството му е одредена мерка притвор до 48 часа, а ден подоцна е пуштен на слобода.

Конфликтот се случил во кафулето на хотелот „Амбасадор“ во центарот на Ниш, каде престојувале гостите на актерската манифестација „Филмски средби“. Антонијевиќ околу четири часот наутро се јавил во полиција и рекол дека Бјелогрлиќ го претепал.

Рекол дека седел во кафулето кога му пришол Бјелогрлиќ со кој претходно бил во лоши односи и со кој имал и правни расправии и без никаква причина му задал два удари во главата. Антонијевиќ по ударот станал, почнале да се туркаат, тој исто така тврдел дека Бјелогрлиќ му се заканувал и дека ќе го убие.

По конфликтот Драган отишол во својата соба, а Предраг повикал полиција. Наводите на Антонијевиќ ги потврдиле четворица сведоци кои во моментот на конфликтот биле во кафулето.

Бјелогрлиќ не негирал дека го удрил колегата, но се бранел, нагласувајќи дека цела вечер го провоцирал, го нарекувал со погрдни имиња, а додека поминувал покрај неговата маса, му рекол дека е изненаден што не е во затвор.

Режисерот со возило на брза помош бил пренесен во Ургентниот центар на Универзитетскиот клинички центар во Ниш, каде му се констатирани полесни телесни повреди, како набиеници на главата и модринка под левото око.