Врз основа на преброените гласови, Денис Беќировиќ сега има 53,06 отсто од гласовите, кандидатот на СДА Бакир Изетбеговиќ 42,88 отсто, а Мирсад Хаџикадиќ 4,05 отсто.
Истовремено, Жељко Комшиќ има 60,2 отсто од гласовите (61.747), а Борјана Кришто 39,8 отсто (40.812 гласови) во трката за член на Претседателството на БиХ од хрватскиот народ.
Кандидатот на Сојузот на независни социјалдемократи (СНСД) за претседател на Република Српска Милорад Додик изјави дека води на изборите за претседател на РС.
„Од 5.000 преброени, предноста во моја корист е 2.200 гласа. (Кандидат на СНСД за претседател на БиХ) Жељка Цвијановиќ води со повеќе од 8.000 гласови“, објави Додик на Твитер.
Гласањето започна во седум часот наутро, а заврши во 19 часот.
Тројца членови на Претседателството на БиХ, 42 претставници во Претставничкиот дом на Парламентот на БиХ, 98 претставници во Претставничкиот дом на Парламентот на Федерацијата БиХ, 83 претставници во Народното собрание на Република Српска, претставници во собранијата на десет окрузи во Федерацијата БиХ, а се избира претседател и двајца потпретседатели на Република Српска.
Најголемото изненадување на изборите се случи еден час по затворањето на гласачките места. Имено, високиот претставник на меѓународната заедница Кристијан Шмит објави дека наметнал измени во изборниот закон кои се однесуваат на структурата и функционирањето на Домот на народите на Парламентот на Федерацијата и начинот на донесување одлуки.