Дводневниот штрајк на грчката поморска федерација што започна во вторникот, продолжен е за уште 48 часа, со што бродовите и траектите во цела Грција и денеска и утре ќе останат закотвени на пристаништата, јави дописничката на МИА од Атина.
Раководството на федерацијата вчера одржа состанок и одлучи продолжување на штрајкот, а нивното главното барање е потпишување нови колективни договори за работа за 2025 година, зголемени за 12 отсто.
Штрајкот ќе трае до утре на полноќ, но отворена е можноста да биде дополнително продолжен.
Паралелно, од федерацијата бараат и средба со министерот за поморство и островска политика Христос Стилианидис.
Од Синдикатот ПАМЕ на Комунистичката партија на Грција вчера организираа протест пред Министерството за поморство и симболично влегоа во објектот.
© Vecer.mk, правата за текстот се на редакцијата
