Собраниската Комисија за уставни прашања и законодавство денеска одлучи како би требало да гласи прашањето на референдумот за уставни измени.
Според РТС, прашањето е: „Дали сте за потврдување на актот за промена на уставот на Република Србија?
Предлогот е испратен до Републичката изборна комисија која треба да се изјасни по него
Членовите на Комисијата едногласно одлучија какво треба да биде прашањето за кое треба да се изјаснат граѓаните на референдумот, а понудените одговори се „Да“ и „Не“.
Во тек е седницата на РИК на која се очекува мислење, а за еден час е закажана нова седница на Комисијата за уставни прашања и законодавство.
Како што претходно беше најавено, референдумот за промена на Уставот треба да се одржи на 16 јануари 2022 година, а Уставот ќе се менува во делот за правда.
Референдумот ќе се организира според новиот Закон за референдум и народна иницијатива, така што за негов успех нема да биде потребно да излезат 50 отсто од запишаните гласачи.
