Несреќата се случила во петокот околу 22 часот, објави Прототема.
Таа седела во ресторанот со сопругот и братучедот, за кои се грижела бидејќи мајка ѝ починала неколку дена претходно. Детето видело како гранката паѓа врз неа и ја убива.
Сфаќајќи што се случило, 10 гости во ресторанот истрчале да ја кренат гранката од несреќната жена, додека други се обидувале да ја одржат во живот. Нејзиниот сопруг ја држел за рака цело време.
Таа била пренесена во локална болница, но лекарите можеле само да констатираат смрт.
- Седев со свртен грб, на растојание од четири-пет метри и слушнавме тресок, нешто како гром. Гранката тежи повеќе од 700 килограми, како бомба да паднала од височина од 10 метри. Се крена прашина. Ја кренавме гранката, ја ослободивме, но по неколку минути го загуби пулсот - изјави еден од очевидците.
Друг очевидец ја опиша ситуацијата како „вистински шок“.
- Слушнавме тресок и за неколку секунди настана паника. Нејзиниот сопруг имал многу среќа, гранката паднала веднаш до него - рекол тој.
Местото каде што се случи трагедијата е преполно со чинари и многумина уживаат во нивната сенка во околните ресторани и кафулиња.
Дрвото било прегледано и не била пронајдена болест која би можела да предизвика пад на гранката.
- Чинарите на ова место растат многу брзо и сега размислуваме какви мерки ќе преземеме за да не тагуваме. Дрвото немаше проблеми во однос на суша или внатрешна болест. Тоа е алармантно, а шумарите констатираа дека падот е предизвикан исклучиво од прекумерната тежина на одредена гранка, бидејќи под дрвото минуваат многу води на Енипеус - рече градоначалникот.
Сопственикот на ресторанот бил уапсен, но подоцна со усна наредба од обвинителот бил пуштен на слобода. Баровите во близина ќе бидат затворени до утре.
Починатата била од Кардица, а работела во Литохоро, каде што нејзиниот сопруг работел во војска, поради што се преселиле во тој град.
Имала две малолетни деца, а пред неколку дена починала и нејзината снаа, а излегла на пијачка во ресторанот во кој се случила несреќата.
© Vecer.mk, правата за текстот се на редакцијата
