Премиерката на Србија Ана Брнабиќ ја повика меѓународната заедница да реагира на, како што наведе, новите провокации на Приштина.
Како што беше објавено на веб -страницата на Владата на Србија, Брнабиќ ја повика меѓународната заедница, НАТО и КФОР итно да реагираат „и да го воздржат Албин Курти“.
Таа посочи дека ситуацијата е повеќе од драматична и дека „ова е последен момент во кој е неопходна јасна реакција за да се запре лудата политика што ја води Приштина“.
Снимен моментот кога на Србин на Косово му пукаа во грб: Се бори за живот во болницата во Митровица
Човекот кој беше ранет со огнено оружје кога косовските специјални полициски сили отворија оган на северот од Косово е Среќко Софрониевиќ од Звечан, објавија српските медиуми. Тој бил погоден во грб по што куршумот преку белодробното крило му излегол кај градите.
Поради сериозноста на повредите, Среќко е итно префрлен во болницата во Митровица каде што се бори за живот.
За време на интервенцијата на специјалните сили РОС, повредени се и десетици други Срби.
Реакција стигна и од шефот на европската дипломатија, Хозеп Борел, кој повика на итен прекин на насилствата и на едностраните потези.
View this post on Instagram
View this post on Instagram
