На својот официјален Твитер профил, американскиот претседател Џо Бајден објави мапа сакајќи да ја пофали работата на неговата администрација кога станува збор за американската помош за земјите во светот во снабдувањето со вакцини против коронавирус и всушност тој со објавата повлече нови граници на Балканот.

Американскиот претседател Џо Бајден повторно предизвика општ хаос на социјалните мрежи, но и во медиумите ширум светот, откако на својот официјален Твитер профил објави фотографија од мапата на светот, на која границите на Србија се сосема различни од сегашните.

Имено, шефот на САД ја припои Црна Гора кон Србија, а освен тоа, тој не ја сподели мапата на која Косово во последните години јасно е одвоено од Србија со граница, туку напротив ја објави онаа мапа на која јужниот Српската покраина е „чисто“ дел од Србија.

Намерната или ненамерната грешка на американската администрација веднаш предизвика лавина од коментари на социјалните мрежи, и таа набрзо беше отстранета од неговиот официјален профил на Твитер. Сепак, ова не беше направено доволно брзо, бидејќи мапата беше веќе зачувана.

Патем, Бајден сакаше да сподели на Твитер „одлични вести за Америка“, која, како што наведе, е единствената земја во светот што дистрибуирала 110 милиони вакцини против коронавирус во дури 60 земји низ целиот свет.

– Од првиот ден, ни беше јасно дека мораме да го нападнеме овој вирус глобално. До денес, имаме доставено 110 милиони вакцини против корона во повеќе од 60 земји низ светот и ќе има уште повеќе. Тоа е повеќе отколку што донираше која било друга земја во светот – напиша Бајден на Твитер со фотографија од мапата на која земјите на кои Америка им помогнала во спроведувањето на имунизацијата се означени со темно сина боја.

И покрај пофалните резултати, темата за вакцинација брзо падна во втор план кога следбениците на американскиот претседател сфатија каква мапа објавил. Како резултат, таа наскоро беше отстранета.

Она што ја збуни светската јавност е фактот дека исправената верзија на картата не била вратена на Твитер, доколку грешката била направена случајно. Затоа се појавија некои теории дека американскиот претседател, или некој од неговиот тим, тоа го направил намерно.

Се разбира, имаше и коментари во кои Бајден беше обвинет дека не знае географија и дека е направена скандалозна грешка, особено кога се зема предвид американската политика на Балканот.