„Сè уште не завршивме со тебе, кукло на Путин!“ му порачаа Анонимуси на српскиот претседател Александар Вучиќ. Тие ставија и линк со објавата, но ако се обидете да ја отворите, се прикажува информација дека документите се избришани.
Ова е само продолжение на низата пораки кои Анонимуси му ги испратија на српскиот лидер. Тие на крајот на декември постот го посветија на настаните во Косово, а прикачија и видео на кое го навредуваат и му се закануваат на Вучиќ.
„Српскиот автократски претседател Александар Вучиќ, марионета на Владимир Путин, се обидува да го дестабилизира регионот користејќи ги механизмите на насилство и терор на воениот злосторник Слободан Милошевиќ, но се знае дека неговите обиди ќе бидат самоубиствени“, велат Анонимуси во пораката на крајот на минатата година.
„Нашата колективна реакција ќе биде одлучна и итна. Анонимусите не се мала група на немоќни луѓе кои треба да бидат игнорирани. Ние сме организиран и глобално активен колектив на истомисленици и доколку не престанете со вашите опасни акции на Косово, нашите пораката ќе биде јасна“, се заканија тие.
JUST IN: The #Anonymous collective has leaked dozens of confidential documents from the Serbian government#OpSerbia
— Anonymous TV 🇺🇦 (@YourAnonTV) January 17, 2023
Link: https://t.co/65X4pK3vIR
"We're not done with you yet, Mr. Putin's puppet!" pic.twitter.com/HKU9q3QDlB
Минатата недела му испратија нова порака на Вучиќ со која ја информираа јавноста дека се многу ангажирани и дека ги собрале електронските адреси на стотина функционери од различни министерства. Својата порака ја завршија со прашање упатено до Вучиќ: „Еј, кукло на Путин, каде си? Уште со кучињата?!“