Во Бања Лука, Босна и Херцеговина, пристигна американскиот истражител Мартин Де Лука, поранешен федерален обвинител на САД и член на тимот на претседателот Доналд Трамп, Според информаците ќе се истражуваат сомнителни трошења на средствата од УСАИД.
Според првичните информации, Де Лука истражува како биле потрошени 402 милиони долари доделени на БиХ преку различни програми, од кои 250 милиони се без јасно оправдување.
Овој развој на настаните отвора дилеми дали и во другите балкански земји ќе следат слични истраги, особено во Македонија, каде што УСАИД и други меѓународни фондови имаат значително влијание врз граѓанското општество, медиумите и разни невладини организации.
Де Лука е поранешен американски федерален обвинител и е дел од новиот тим на американската администрација. Тој вчера за медиумите во Бања Лука изјави дека во БиХ е покрената истрага за трошење пари преку организацијата УСАИД, а првичните информации говорат дека во изминатите четири години се потрошени 402 милиони долари, од кои 250 милиони не може да се утврди каде исчезнале.
„Во изминатите четири години, во БиХ се инвестирани 402 милиони долари преку различни програми. Од нив, 150 милиони долари може да се оправдаат, а околу 250 милиони долари остануваат непознати. Ова се пари од американските граѓани“, рече Де Лука.
Тој вели дека тој и неговиот тим веќе ги истражуваат операциите на УСАИД во БиХ и дека парите се трошени на сличен начин во остатокот од светот, што предизвикува сомнеж за корупција.
„Претседателот Трамп е многу решен да го истражи и истражи што е можно поскоро сето она што се случи. Нема опис на проектите и не е јасно каде завршиле 250 милиони долари во БиХ“, рече тој, додавајќи дека најтешкиот дел е да се добијат докази и дека им се заблагодарува на локалните власти за нивната соработка.
Јавноста не е информирана дали Де Лука останал во Сараево, каде што се наоѓа седиштето на УСАИД за Босна и Херцеговина.
Она што е интересно е што Мартин Де Лука често ги советува своите клиенти кои се под
Доколку американската администрација го прошири фокусот на Македонија, можно е да се постават прашања за тоа како биле распределени и искористени странските грантови во изминатите години. Дали ќе се откријат нерегуларности? Кои поединци и организации ќе бидат под лупа? Дали некои од тие средства завршиле во политички кампањи, коруптивни зделки или нетранспарентни проекти?
Со оглед на тоа што актуелната американска администрација, предводена од Трамп, покажува зголемен интерес за финансиските текови поврзани со меѓународната помош, ваквата истрага би можела да има сериозни импликации за многу влијателни луѓе на Балканот. Останува да се види дали Македонија ќе биде наредна на списокот и што ќе се открие доколку истражителите тропнат на врата
© Vecer.mk, правата за текстот се на редакцијата
