Авторот на TikTok профилот „The Viral Archive“ објави мапа на која српскиот јазик е класифициран во црвена, т.е. тешка категорија, со околу 44 недели потребни за учење.
Мапата, која се појави на социјалните мрежи, ги дели јазиците во пет категории според бројот на недели интензивно учење.
Најлесните јазици, означени со сина боја, бараат околу 24 недели, вклучувајќи ги шпанскиот, францускиот, италијанскиот и романскиот. Германскиот спаѓа во портокаловата категорија со околу 30 недели.
Јазиците на балканските земји, како што се словенечкиот, хрватскиот, српскиот, босанскиот, црногорскиот, македонскиот и бугарскиот, привлекоа најголемо внимание. Тие се класифицирани во црвената категорија и бараат околу 44 недели учење.
Најтешките јазици се унгарскиот, финскиот и естонскиот, означени со црна боја со коментар: „Среќно“.
© Vecer.mk, правата за текстот се на редакцијата
