Претседателката на српското Собрание, Ана Брнабиќ, за РТС изјави дека вонредните парламентарни избори ќе се одржат тогаш кога ќе одлучи единствената надлежна институција за тоа, односно претседателот на Републиката, кој, како што рече, во моментов се занимава со многу важни прашања. Таа најави дека раководството на СНС ќе разговара со Александар Вучиќ тој да биде нивниот кандидат за премиер.
Во врска со актуелните политички превирања во државата, Брнабиќ наведува дека сите политички чинители ќе бидат повикани на дијалог, но смета дека многумина од опозицијата ќе го одбијат тоа. Таа оценува дека пред СНС се најтешките разговори и ја осудува злоупотребата на универзитетите во политички цели.
© Vecer.mk, правата за текстот се на редакцијата
