<b>Франција</b>
Родителите во Франција им кажуваат на своите деца дека велигденските јајца доаѓаат од велигденските ѕвона. Црквите низ цела Франција ги оставаат тивки сите ѕвона од понеделник до четврток се до утрото на Велигден. Како начин за објаснување на „тишината на ѕвоната“, Французите велат дека ѕвоната одлетуваат до Рим да се сретнат со папата и потоа се враќаат во Франција за Велигден, притоа донесувајќи обоени јајца и чоколади.
<b>Лапонија</b>
Со песна и танц се игра на снегот, се прават снешковци и се слави Исусовото воскреснување и будењето на природата.
<b>Русија</b>
Освен традиционалните јадења со овој празник се врзува и обичајот со честитање со тројно бакнување во образ.
<b>Чешка Република </b>
<b></b>Бојадисување на јајца и …камшикување девојки? Чешката Република може со сигурност да се смета дека ја има меѓу најневообичаените велигденски традиции во светот. Чесите го нарекуваат велигденскиот понделеник „Камшикувачки понеделник“ бидејќи, на тој ден, е традицијамомчињата да ги „тепаат“ девојките со една плетена гранка од врба која ја нарекуваат „помлазк“. Се разбира, не се работи за свиреп обичај. Овој обичај е чисто симболичен и се верува дека гранчињата ќе им дадат на они коишто се удирани долга младост и благосостојба. За да ја покажат својата благодарност, девојките на момчињата кои ги удирале им подаруваат велигденски јајца.
<b>Други земји</b>
Во Мексико на улиците се поставуваат хартиени ликови од Јуда Искариотски, во кои е поставен огномет. Во Бугарија и Романија на Велика сабота се ставаат сол, брашно, квасец и јајца на прозорците, а од тие состојки на велигденскиот понеделник се меси леб. Потоа лебот се појадува за да биде плодна годината. На Лампедуса, мало италијанско островче, имаат еден од најубавите адети – имено на Велигден се забораваат сите недоразбирања и расправии. Во Шпанија пловат сплавови со украсени фигури кои претставуваат ликови од библиската приказна за Христосовото воскреснување. Чести се и поворките и гозбите.
<span style="margin: 0px; padding: 0px; border: 0px; font-size: 12pt;"><b>Бермуда</b> </span>
<span style="margin: 0px; padding: 0px; border: 0px; font-size: 12pt;"></span>Во оваа земја луѓето прават шарени летала-„змејови” во чест на денот„Добриот петок”. Оваа традиција го опишува вознесението на богот кон небото.
<span style="margin: 0px; padding: 0px; border: 0px; font-size: 12pt;"><b>Норвешка </b></span>
<span style="margin: 0px; padding: 0px; border: 0px; font-size: 12pt;"></span>Имаат доста интересна традиција која популарно се нарекува „Криминалистички Велигден”. Норвежаните на овој ден читаат книги поврзани со мистерии или гледаат криминалистички телевизиски серии.
<span style="margin: 0px; padding: 0px; border: 0px; font-size: 12pt;"><b>Северозападна Европа </b></span>
<span style="margin: 0px; padding: 0px; border: 0px; font-size: 12pt;"></span>Во чест на овој празник се палат велигденски огнови со цел заедницата да се собере на едно место. Во минатото се сметало дека со палењето на овој оган се бркала зимата, односно темнината.<a href="http://images.huffingtonpost.com/gen/74039/original.jpg"></a>
<span style="margin: 0px; padding: 0px; border: 0px; font-size: 12pt;"><b>Шведска </b></span>
<span style="margin: 0px; padding: 0px; border: 0px; font-size: 12pt;"><b></b></span>Во недела децата се облекуваат како велигденски вештерки и одат од куќа во куќа собирајќи чоколади. Во домовите, Велигден се дочекува со богата трпеза која вклучува и јајца подготвени на различни начини.
<span style="margin: 0px; padding: 0px; border: 0px; font-size: 12pt;"><b>Хаити </b></span>
<span style="margin: 0px; padding: 0px; border: 0px; font-size: 12pt;"></span>Велигден се обележува традиционално со жртвување на животни, удирање тапани надополнети со извици. Во Хаити се прави спој на католичката и вуду традицијата.