logo
logo
logo

Приказна за африкански херој: Му беше дијагностициран рак, помина низ хемотерапија и постигна гол за титулата!

Vecer | 12.02.2024

Приказна за африкански херој: Му беше дијагностициран рак, помина низ хемотерапија и постигна гол за титулата!

Репрезентацијата на Брегот на Слоновата Коска стана шампион на Африка по трет пат во својата историја, откако во вчерашниот натпревар за титулата од Купот на нации ја совлада Нигерија со 2:1. Натпреварот се одигра пред 60.000 гледачи, а негов херој беше Себастијан Халер, кој во 81. минута го постигна победничкиот гол.

За помалку од две години, Халер мина низ пеколот и стравот за својот живот, кога му беше дијагностициран рак на тестисите.

Борусија Дортмунд во него најде замена за незаменливиот Ерлинг Халанд. Тој на 6 јули се пресели во Дортмунд. Дванаесет дена подоцна се почувствувал лошо на тренинг во Швајцарија. Тој веднаш беше испратен во Дортмунд, каде тестовите покажаа дека 28-годишниот голгетер има рак на тестисите.

Тој го пропушти поголемиот дел од сезоната поради операција и хемотерапија, но потоа се врати и стана клучен играч во ловот на титулата на Дортмунд. Ја предводеше Борусија со голови, ја задржа на првото место, а потоа во последниот натпревар од сезоната пропушти две клучни шанси во ремито 2:2 против Мајнц. Баерн го искористи ова и со победата од 2:1 кај Келн го израмни голгетерскиот учинок на Дортмунд и ја освои титулата.

Халер, барем досега, не успеа да стане херој на Дортмунд, но стана херој на својата татковина. Откако го постигна единствениот гол во полуфиналето на Африканскиот куп на нации против Конго, во финалето на континенталниот турнир, тој вчера комплетираше неверојатна приказна со гол достоен за титулата.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk