logo
logo
logo

Брегот на Слоновата Коска е шампион на Африка!

Vecer | 11.02.2024

Брегот на Слоновата Коска е шампион на Африка!

Репрезентацијата на Брегот на Слоновата Коска трет пат во историјата е шампион на Африка. По титулите во 1992 и во 2015 година, „слоновите“ триумфираа и оваа година на шампионатот кој се одигра кај нив. Во финалето во Абиџан, БС Коска ја совлада Нигерија со 2:1.

Нигерија дојде во водство во 38 минута, а стрелец беше Трост-Екинг кој постигна гол со глава. „Слоновите“ направија пресврт во второто полувреме. Во 62. минута Кеси одлично реагираше по центаршут и со глава ја погоди мрежата.

Во 81 минута Адингра центрираше, а напаѓачот Себастијан Але постигна спектакуларен гол. Топката заврши во аголот од голот и голманот само го следеше патот на топката.

Да потсетиме БС Коска едвај ја поминаа групата. Имаа една победа во првото коло, а потоа впишаа порази од Нигерија и од Екваторијална Гвинеја. Потоа го исфрлија Сенегал на пенали, па славеа над Мали со 2:1 во драматичен меч во кој прво се изедначија во 90 минута, а потоа триумфираа со гол во продолженијата. Го победија минимално ДР Конго и стигнаа до финале и реванш со Нигерија.


sportmedia.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk