logo
logo
logo

Хируршки ќе се кастрираат педофилите на Мадагаскар

Vecer | 12.02.2024

Хируршки ќе се кастрираат педофилите на Мадагаскар

Според новиот закон, оние што ќе бидат прогласени за виновни за силување на дете помало од десет години, ќе бидат подложени на хируршка кастрација и ќе бидат осудени на доживотен затвор.

Доколку жртвата е на возраст од десет до 13 години, сторителот ќе биде хемиски кастриран, додека малолетниот сторител ќе избегне кастрација.

Ова е големо заострување на законот, имајќи предвид дека според досегашната законска регулатива, ваквите кривични дела предвидуваа полесни казни и некаква општокорисна работа.

Предлог-законот е предложен од претседателот на Мадагаскар, Андри Рајоелина минатиот месец, што исто така беше едно од неговите клучни предизборни ветувања за време на минатогодишните избори.

Меѓународните организации го критикуваа новиот закон. Тигер Чагутах, регионален директор на Амнести интернешенел за Источна и Јужна Африка, рече дека „во Мадагаскар случаите на силување се недоволно пријавени и дека има стигматизирање на жртвите и недоверба во судството“, објавија локалните медиуми.

„Спроведувањето на хемиска и хируршка кастрација, што претставува сурово, нечовечко и понижувачко постапување, како казна за оние кои се прогласени за виновни за силување малолетници, нема да го реши проблемот и не е во согласност со уставните одредби на Мадагаскар против тортура и друго малтретирање како и со меѓународните стандарди за човекови права“, рече тој.

Претходно овој месец, Казахстан, исто така, најави дека може да воведе хируршка кастрација на осудените педофили.

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk