logo
logo
logo

Јеменските Хути тврдат дека нападнале американски брод во Црвеното Море

Vecer | 12.02.2024

Јеменските Хути тврдат дека нападнале американски брод во Црвеното Море

Портпаролот на Хутите, Јахја Сари изјави дека бродот „Ѕвезда Ирис“ бил цел на поморски проектили, што резултирало со директни удари.

„Операцијата е победа за праведната кауза на палестинскиот народ и одговор на американско-британската агресија врз нашата земја“, додаде тој.

Нема коментар од САД за тврдењето на Хутите.

Британската Агенција за поморски трговски операции (УКМТО) претходно соопшти дека добила извештај за мала штета од ракетен напад врз брод на 40 наутички милји јужно од Ал-Муха во Јемен.

„Бродот и екипажот се безбедни. Бродот се упатува кон следното пристаниште“, се додава.

Хутите гаѓаа товарни бродови во Црвеното Море во сопственост или управувани од израелски компании или кои превезуваа стока до и од Израел во знак на солидарност со Газа.

Со ескалација на тензиите поради заедничките воздушни напади на САД и Велика Британија врз цели на Хутите во Јемен, групата објави дека ги смета сите американски и британски бродови за легитимни воени цели. 

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk