Засега нема информации за повредени, а полицијата поради густиот чад над тој дел од градот ги советува граѓаните кои живеат во тој реон да останат во своите домови и да ги држат затворени прозорците за да не навлезе чадот.
Евакуирани се гостите од блискиот хотел и деловните простории.
„Пожарот избувна на еден од тобоганите надвор од зградата, а потоа се прошири на целиот објект“, се наведува во соопштението на паркот Лизеберг.
Lisebergs nya badhus brinner ner. pic.twitter.com/SPAQa0i6qn
— Sofie Löwenmark (@SofieLowenmark) February 12, 2024
Ројтерс јавува дека на видеото се гледа како тобоганот го зафаќа пламен, додека неколку противпожарни возила се обидуваат да го изгаснат пожарот.
Во моментот на пожарот немало гости во водениот парк Океана, кој требало да биде отворен оваа година и е додаток на забавниот парк во Гетеборг, изјави портпаролот на паркот за шведската новинска агенција ТТ.
© Vecer.mk, правата за текстот се на редакцијата
