Новинарката, писателка и водителка на култната емисија „Балканска улица“ Весна Дедиќ (55), важи за дама со стил и каде и да се појави објективите на фоторепортерите се насочени кон неа, тоа беше случај и сега, кога Весна зачекори во просториите на Белииот двор, каде се одржа хуманитарен концерт, а сите ја забележаа нејзината лелеава, младешка енергија.
Дедиќ вели дека не постои тајна за нејзиниот одличен изглед на таа возраст, но и дека ѝ импонира тоа што многумина сметаат дека таа секој ден изгледа сè помладо. Како што наведува, оваа водителка верува дека жената не е во некоја „проблематична“ возраст доколку има, да речеме, 55 години и дека видела дами кои и на 65 години изгледаат одлично.
-Кој ви кажа дека 55-годишна жена е „стара“? Според новите истражувања, 55 години е зрела возраст. Сега се враќам од снимање, многу работам, но мислам дека во Србија има многу жени, кои и на 55 и на 65 години, изгледаат милион пати подобро од мене... Тоа дека жените не изгледаат убаво по 37-мата година се предрасуди. Сега, јас за себе не можам да кажам дека изгледам убаво – изјавила Весна во едно интервју.
На прашањето зошто себеси не се гледа како убава жена и зошто смета дека има многу поубави, Весна вели:
- Како млада никогаш не размислував за тоа колку сум убава. Кај нас навистина беше важно колку сте паметни, образовани, шармантни и учтиви. Никој од мојата генерација не размислуваше за убавината. Денес тоа што се пласира во медиумите е само една слика што моментално постои во Србија и навистина немам ништо против. Сепак, јас сум жена од едно поодминато време во кое никогаш не се говореше: „Погледнете колку е убава“. Никогаш не беше така, туку: „Убава е и свири пијано“; „Убава е и зборува три јазика“; „Убава е и се занимава со овој или оној спорт“. Убавината сама по себе без други карактеристики на духот тогаш навистина немаше никаква вредност - објасни Дедиќ.
© Vecer.mk, правата за текстот се на редакцијата
