Актерот откри дека бил сериозно загрижен за можноста од електричен удар додека снимал сцена во која гола личност лежи во када полна со вода, над која е поставена светлосна опрема. Тој зборувал за тој ризичен момент за време на разговор со Роберт Дауни Џуниор, пишува „Пипл“.
„Не сакав да завршам така“
30-годишниот Шаламет изјави за време на сесијата со прашања и одговори во Лос Анџелес на 14 јануари дека директно го прашал режисерот Џош Сафди дали светлосната опрема е безбедно прицврстена на сцената со кадата. Во таа сцена, која Дауни Џуниор ја пофали, ликот на Шаламет, Марти Маузер, паѓа низ подот додека се бања во хотелска када и паѓа врз друг маж и неговото куче.
„Се сеќавам дека го прочитав сценариото и си помислив: „Човече, во кој било друг проект ова би можело да испадне којзнае како“, рече Шаламет. „Но, мислам дека токму вакви работи го возбудуваат режисерот Џош Сафди најмногу на снимањето. И потоа сум таму гол, само со неа... Не знам. Го знам само едноставниот термин за тоа, „чорапа од пенис“. Не знам како поинаку да го наречам.“
„Џош беше премногу возбуден тој ден и навистина уживаше. И ние сме во кадата. Сè е вистинско, има вода внатре. Погледнувам нагоре и гледам светла што висат од држачите. Го повлеков Џош настрана и го прашав: „Брате, дали е ова безбедно поставено? Нема да падне во вода? Не сакам да завршам така“, рече актерот.
Успех во сезоната на награди
Шаламе доби критички признанија за неговата изведба во „Марти Суприм“ и веќе постигна значаен успех во сезоната на награди. Заплетот на филмот го следи млад американски Евреин, амбициозен шампион во пинг-понг, кој во 1952 година се бори да заработи доволно пари за да патува во Јапонија за светското првенство.
За таа улога, Шаламет ја освои наградата за најдобар актер на доделувањето на наградите „Critics Choice Awards“ на 4 јануари, а на 11 јануари го доби својот прв Златен глобус во кариерата.
После тоа, тој беше номиниран и за Оскар во категоријата за извонредна изведба од машки актер во главна улога. Негова конкуренција се Леонардо Дикаприо („One Battle After Another“), Итан Хоук („Blue Moon“), Мајкл Б. Џордан („Sinners“) и Џеси Племонс („Bugonia“).
Филмот „Marty Supreme“ моментално се прикажува во кината.
© Vecer.mk, правата за текстот се на редакцијата
