Колумбиската пејачка требаше да настапи на 1 април како дел од нејзината светска турнеја, но настанот беше одложен поради зголемените тензии во регионот.
Слична судбина го снајде и музичкиот фестивал OFFLIMITS во Абу Даби, каде што Шакира требаше да настапи со популарниот бенд Jonas Brothers на 4 април. Организаторите во вторник објавија дека фестивалот е одложен до ноември. Ова се најновите во низата откажани и одложени културни и спортски настани во земјите од Персискиот Залив, кои се најдоа во сенка на растечкиот конфликт меѓу Иран и САД.
Од безбедносни причини, американскиот пејач Џош Гробан ги откажа концертите планирани во Дубаи и Бахреин. Спортот не беше поштеден од последиците од кризата. Организаторите на Формула 1 ги откажаа двете трки планирани за април - во Бахреин и саудискиот град Џеда. Исто така, беше откажан и фудбалскиот натпревар меѓу актуелните европски и јужноамерикански шампиони, Шпанија и Аргентина, кој требаше да се игра во Катар.
Зголемените геополитички тензии имаат сериозно влијание врз меѓународните настани, покажувајќи дека конфликтите меѓу големите сили влијаат не само на политиката, туку и на глобалната култура, спортот и забавата.
© Vecer.mk, правата за текстот се на редакцијата
