Пејачката Вики Миљковиќ е сопственичка на бројни хитови. Зад себе има тридецениска кариера, а како и многу нејзини колешки, кариерата ја започнала пеејќи на разни забави.
Иако нејзините родители не биле за тоа нивната ќерка да биде пејачка, таа била упорна и не се откажувала од својот сон, а сега се појави и видео од една од првите забави на кои пеела. 
Имено, снимката е од 1993 година, иако не се знае за каква прослава се работи, на многумина им е интересно што таа во тоа време ја пеела песната „Шта је то у твојим венама“ која оригинално ја изведе нејзината сегашна кума Цеца.
Вики во еден момент кога го завршила рефренот се свртела кон оркестарот и им рекла да и дадат уште еден микрофон, бидејќи нешто не било во ред со оној со кој работела.
Не е познато дали Цеца и Вики тогаш се познавале, но она што е видливо е дека Вики оттогаш многу се променила, што е очекувано со оглед на тоа дека оттогаш поминаа 30 години.
© Vecer.mk, правата за текстот се на редакцијата
