Пејачот се налути среде изведбата на својот хит „Do Ya Think I'm Sexy“ во спортската сала ОАКА и ја запре музиката, тврдејќи дека посетителот му го расипува настапот.
„Бегај од тука“
Во клип што стана вирален на TikTok, Стјуарт може да се слушне како бесно вика: „Бегај од тука. Им го уништуваш шоуто на сите. Бегај. Оди си. Не ни требаш тука“. Потоа додаде, очигледно обраќајќи се на некој што стои до проблематичниот посетител: „Сè што прави е да држи плакат“.
@chris_antoniadou7 Rod Stewart is pissed off! What happened? #rodstewart #rodstewartconcert #popmusic #concert #pissedoff ♬ original sound - chris_antoniadou
Дали е виновен поразот на Селтик?
Многу обожаватели брзо го поврзаа испадот на пејачот со лошиот ден за неговиот омилен фудбалски клуб, Селтик ФК, кој загуби со 3-1 од Сент Мирен во финалето на Шкотскиот Лига Куп истиот ден. Веднаш почнаа коментарите на социјалните мрежи: „Веројатно го споменаа Сент Мирен“, се пошегува еден корисник, додека друг додаде: „Неговиот тим денес загуби со 3-1“.
Крај на големите светски турнеи
По инцидентот во Атина, Стјуарт веќе има настап во Абу Даби во среда, по што следи тримесечна пауза. Турнејата продолжува во февруари во Соединетите Американски Држави, со концерти во Холивуд, Њу Орлеанс и Лас Вегас.
Пејачот минатата година објави дека планира да ги заврши своите големи светски турнеи. „Ова ќе биде крај на големите светски турнеи за мене, но немам желба да се пензионирам“, изјави тој. „Го сакам она што го правам и го правам она што го сакам. Во форма сум, имам коса и можам да истрчам 100 метри за 18 секунди на 79-годишна возраст“.
© Vecer.mk, правата за текстот се на редакцијата
