Американската пејачка Ријана (33), според најновите податоци на Форбс, е најбогатата пејачка во светот. Меѓу жените во индустријата за забава, само Опра Винфри (67) е побогата од неа.

Нејзиното богатство во голема мера доаѓа од козметичката линија Fenty Beauty која што ја основа во 2017 година, а во моментов поседува 50 проценти. Покрај тоа, тука е и линијата за долна облека Savage x Fenty, проценета на 270 милиони долари.

По завидните претприемачки амбиции доаѓаат приходите од нејзината музичка и актерска кариера.
– Многу жени сметаат дека не постои шминка соодветна за нивната боја на кожа. Сите мислат дека има само светло, средно црно и црно, но тоа не е вистина – откри во една прилика пејачката, која сакаше својот бренд да го направи достапен за секого.
Пејачката заработува и од социјалните мрежи. Таа има 103 милиони следбеници на Инстаграм и 102,5 милиони на Твитер, што секако и носи дополнителен приход.