Фолк ѕвездата Цеца Ражнатовиќ во една прилика откри каква лекција научила од нејзиниот покоен сопруг Жељко Ражнатовиќ Аркан, кон која се придржува и денес и нема да ја заборави.
Цеца проговори за приватниот живот, а потоа се осврна и на Аркан и неговите зборови кои се уште ги памети.
- Мислам дека сум добар пријател. Многу ја почитувам лојалноста на луѓето. И тоа го научив од мојот покоен сопруг. Секогаш велеше: „Не е богатството во материјалните работи. Млада си и ќе разбереш со време, твоето најголемо богатство секогаш ќе бидат семејството и лојалните пријатели. А биди среќна ако можеш да издвоиш двајца вистински лојални пријатели за останатото од твојот живот“. И тоа е вистина, навистина – изјави Цеца.
- Ми се случи во некои случаи луѓето само да се искристализираат. Се разбира, тешко ви е да преболите, но го преболувате. Некои луѓе едноставно имаат свој животен век во вашиот живот, вашите патишта се разминуваат, некои на убав начин, некои се болни и грди, но, повторно, ништо не се случува случајно во животот - некои луѓе не ги среќаваме случајно, случајно не се разделуваме од некои луѓе - изјави во една прилика Ражнатовиќ.
- Тоа е рамнотежа. Таму каде што можеби лошо се разминав, никогаш не сум „плукнала“ на таква врска, што би рекле нашите, ниту лошо коментирам, бидејќи тоа било мој избор. И сега, дали се добри или лоши, тоа времето ќе покаже - изјави Цеца.
© Vecer.mk, правата за текстот се на редакцијата
