Атрактивната пејачка и актерка позираше во бело бикини, со сламена шапка и златна огрлица, додека косата ја собра во пунџа.
Во објавата, таа сподели и видео од себе како се опушта на розова подлога за базен, а подоцна покажа уште една летна комбинација, долг бел ленен фустан со длабоко деколте и чипкани детали.
- Го поминувам денот со луѓето што ги сакам. Среќен Ден на сеќавањето на сите - напиша Лопез со објавата.
Нејзините близнаци Макс и Ема, кои ги доби во 2008 година во брак со нејзиниот поранешен сопруг Марк Ентони, исто така се појавија на фотографиите.
Лопез моментално живее во луксузна вила во Бел Ер, Калифорнија, каде што претходно живееше со својот поранешен сопруг Бен Афлек.
Поранешната двојка го стави имотот на продажба, а цената оттогаш се намали од 68 на 52 милиони долари. Вилата се наоѓа во затворената заедница на имотот Волингфорд и има 12 спални соби и дури 24 бањи.
Имотот има базен, спортски терени, целосно опремена теретана, боксерски ринг и луксузен салон со бар, додека погледот на околните планини дополнително ја зголемува вредноста на имотот.
© Vecer.mk, правата за текстот се на редакцијата
