Веста за доаѓањето на еден од најпознатите светски актери предизвика големо внимание во грчките медиуми и на социјалните мрежи.
По пристигнувањето во Грција, Бред Пит го привлече вниманието на јавноста и медиумите како и секогаш со својот стајлинг.
Во текот на својата кариера, мегапопуларниот актер постојано покажуваше подготвеност да експериментира со модата, и иако неговиот приватен живот со години е во центарот на вниманието на јавноста, вклучувајќи го и бракот со Анџелина Џоли и претходниот брак со Џенифер Анистон, неговиот стил често добиваше позитивни коментари од модните критичари.
Неговата партнерка, Инес де Рамон, која дизајнира накит, е позната и по својот префинет моден вкус. Двојката се појави во Грција во координирани, спортско-елегантни комбинации.
Двојката моментално престојува на грчкиот остров Хидра, кој се наоѓа во Саронскиот Залив, во близина на Пелопонез. Тоа е мал и ексклузивен остров познат по својата зачувана архитектура, камени куќи, тесни улички и богата поморска историја.
Хидра е единствена и по тоа што употребата на автомобили, моторни возила, па дури и велосипеди е забранета со закон, што го зачувува мирот и автентичноста на местото.
Магариња и коњи се користат за транспорт на стока, додека жителите и туристите се движат пеш или со водни такси.
© Vecer.mk, правата за текстот се на редакцијата
