Актерот сега е снимен на одмор на Бахамите и изгледа целосно опуштено и расположено.
Тој се ракуваше со обожавателите во кафуле, па дури и застана зад шанкот и му помогна на келнерот да си ја подготви пијачката. Деп на видеото се насмевна неколку пати, а фановите во коментарите забележаа дека 61-годишниот актер си ги поправал забите.
„Мислам дека неговите заби сега изгледаат добро“, „Забите конечно се исправни и бели“, „Дефинитивно ги среди забите. Изгледа подобро од кога било“, беа коментарите. Многу фанови ја изразија својата среќа што го гледаат својот омилен актер среќен и насмеан: „Ви благодариме што ги споделивте вашите среќни моменти со нас“.
Познатиот актер отсекогаш имал проблеми со оралната хигиена, а тоа го потврдува и неговата изјава од 1995 година за магазинот „Премиера“. "Имам многу шуплини. Имав коренски канал пред осум години, а не е направен. Тоа е како мало скршено парче. Горд сум на своите заби", рекол тогаш Деп.
Тој исто така објасни дека не сака луѓе со чисти бели заби. Тој изјавил дека и покрај лошите заби, не сакал да престане да пие црвено вино и да пуши цигари.
© Vecer.mk, правата за текстот се на редакцијата
