Актерот Џин Хекман во тестаментот изразил желба целото свое богатство да ѝ го остави на сопругата Бети, која починала една недела пред него.
Тестаментот на оскаровецот Џин Хекман и неговата сопруга Бети Аракава е откриен еден месец по нивната смрт, што потенцијално ќе предизвика правна битка за неговиот имот вреден 80 милиони долари.
Хекман (95) целото свое богатство ѝ го остави на сопругата Бети (65), која беше наследен управник на неговиот фонд. Сепак, не е јасно дали неговите три деца од првиот брак со Феј Малтезе, Кристофер (65), Лесли (58) и Елизабет (62) добиле нешто од тестаментот. Неговите деца биле отуѓени од него во минатото, што сега отвора можност за правен спор.
Правен експерт за Дејли Меил изјавил дека ќе имало вистинска „војна“ меѓу наследниците доколку Бети го надживеала Хакмен. Кристофер го ангажираше истакнатиот калифорниски адвокат Ендрју М. Каценштајн, што укажува на потенцијална борба околу наследството на Хекман.
Бети во тестаментот навела дека нејзиниот имот ќе биде префрлен во фонд наменет за добротворни организации и за покривање на медицинските долгови. Тестаментот содржи и клаузула за поделба на нејзиниот личен имот, како што се мебел, накит и уметнички дела.
Детективската истрага во Санта Фе, Ново Мексико, откри дека Бети умрела околу 11 февруари од редок вирус што го носеле глувци, додека Хекман починал на 18 февруари од срцеви проблеми. Нивните тела ги пронашло обезбедувањето на населбата каде што живееле.
Според законот на Ново Мексико, ако умреле со помалку од 120 часа разлика, средствата би биле распределени поинаку. Бидејќи Хекмен живеел седум дена по смртта на Бети, неговиот имот нема автоматски да оди кај нејзините наследници, туку ќе биде поделен меѓу другите корисници на трустот Авалон, кој Хекман го назначил за повереник на наследникот во 1995 година.
Правните експерти посочуваат дека од клучно значење е да се утврди дали Хакман и Аракава потпишале предбрачни или постбрачни договори, како и дали децата ќе покренат правна постапка. Законот во Ново Мексико дозволува поднесување тужба до три години по смртта.
Лесли Хекман рече дека е „блиска“ со нејзиниот татко, но дека тие не разговарале неколку месеци пред неговата смрт. Семејството во соопштението рече дека Хекман бил „сакан и почитуван ширум светот поради неговата брилијантна актерска кариера, но за нив тој секогаш бил само татко и дедо“.
Полицијата сè уште истражува одредени детали за случајот, вклучувајќи ги резултатите од обдукцијата на нивното починато куче, како и анализа на податоците од мобилните телефони на парот. Иако смртните случаи се прогласени за природни, истрагата останува отворена додека не се разјаснат сите непознати.
© Vecer.mk, правата за текстот се на редакцијата
